Izena emandako jokalariak ikusita, eta bertako jokalarien partehartzea bultzatzeko, C txapelketaren ordutegia aldatu egin dugu, beraz, txapelketa honetako partidak ere 15:00tan hasiko dira.
Deskontuak jokalarientzat!
A eta B txapelketetan izena emandako jokalarien maila dela eta, A eta B txapelketara izena ematen duten 2300 elo puntu baino gutxiagaoko lehenengo 30 jokalariek, C txapelketara sartzeko kuota bakarrik ordaindu beharko dute!
Izena eman duten jokalarien zerrenda argitaratuta
Argitaratu dugu orain arte egindako izenemateen zerrenda. Zerrenda horretako lehenengo hamar jokalariak, honako hauek dira:
- Shakhriyar Mamedyarov Azerbaijan 2733
- Ruslan Ponomariov Ukraine 2723
- Arkadij Naiditsch Germany 2712
- Leinier Dominguez Cuba 2712
- Maxime Vachier-Lagrave France 2710
- Viktor Laznicka Czech Republic 2703
- Laurent Fressinet France 2700
- Andrei Volokitin Ukraine 2695
- Loek Van Wely Nederlands 2686
- Rustam Kasimdzhanov Uzbekistan 2675
Ikusi zerrenda osoa eta eman izena zuk ere!
1911-1912 – 2011-2012 Donostiako Txapelketaren Mendeurrena
1911 eta 1912an Donostian jokatu ziren xake txapelketa famatuak gogoratzeko eta beren mendeurrena ospatzeko txapelketa ikusgarria prestatzen ari gara, hori dela eta, txapelketa 2011 eta 2012 artean jokatuko da, gabonetan.
Momentuz, txapelketari buruzko 3 datu emango dizkizuegu aperitibo gisa:
- Guztizko sari kopurua 100.000 €koa izango da.
- Txapelketa kanporaketa sistema erabiliz jokatuko da, galtzaileentzat txapelketa paralelo bat eta Nazioarteko Txapelketa Ireki bat sortuz.
- Txanda bakoitzean jokalari bakoitzak aldibereko bi partida jokatuko ditu, bata pieza zuriekin eta bestea beltzekin.
Horretarako hainbat pertsona eta elkarteren laguntza jasoko dugu, horien artean Gros Xake Taldearena, bere egoitzan jokatuko baita txapelketa 2011ko abenduaren 28a eta 2012ko urtarrilaren 5a artean.
Datozen asteotan argitaratuko dugu txapelketari buruzko informazio gehiago.