Donostia Chess Festival

Hikaru Nakamura estatubatuarrak irabazi du Donostia Europako Kultur Hiriburua 2016 txapelketa desberdinketa egiteko jokatu diren bi partida azkarrak irabazi ostean.

Txapelketako azken txandan Nakamurak bere partida berdindu egin du eta Ponomariovek irabazi eta ondorioz berdinduta gelditu dira sailkapen nagusian. Txapelketaren arauei jarraiki, irabazlea erabakitzeko 5 minutuko bi partida azkar jokatu dituzte eta bietan izan da garaile amerikarra. Zorionak Hikaru Nakamurari!

Kutxa txapelketan Jordi Magem izan da nagusi bere partida berdindu eta bere aurkari zuzen Loek Van Welyk ere berdindu ostean.

Euskal Xake Eskola txapelketan, txapelketa guztian zehar buruan joan den Glenn Flearrek berdindu egin du Iñigo Martinen aurkako partida eta Eric Priek Alejandro Franco garaitu ostean, Prie frantziarra izan da garaile. Txapelketa honetan Santiago González de la Torre bilbotarran Nazioarteko Maisuaren norma lortu du.

Emakumezkoen Gipuzkoako Foru Aldundia txapelketan, berdinketa azkarrak ikusi ditugu eta Sophie Milliet frantziarra izan da txapeldun.

Partidak gure webgunean dituzu.

Donostia Europar Kultur Hiriburua 2016 txapelketan, lehenengo sailkatuek berdindu egin dituzte euren partidak eta horrek Nakamura uzten du lidergoan Ponomariovekiko puntu erdikoabantailarekin. Nabarmentzekoa Francisco Vallejok Pablo San Segundori irabazi dion partida eta biata Anatoly Karpovek berriz ere galdu egin duela, gaurkoan Rustam Kashindzanoven aurka.

Kutxa txapelketan ere berdinketa ikusi dugu lehen sailkatu bien artean, Jordi Magem eta Loek Van Welyren artean hain zuzen ere. Kataluniarrak puntu erdiko abantaila daramakio holandarrari.

Berdinketak izan dira nagusi Euskal Xake Eskola txapelketan, Mikel Huergak Iñigo Martini irabazi dio partida eta gainontzeko partida guztiak berdinketan bukatu dira. Sailkapenean Eric Prie eta Glenn Flear daude lidergoan eta gauzak aldatzen ez badira partida azkarrak jokatuz erabaki beharko da nor den irabazle. Bestalde Santi Gonzalez eta Christian Michna, biek ala biek, puntu erdia lortu behar dute azken txandan Nazioarteko Maisuaren norma lortzeko.

Sophie Milliet izan da Gipuzkoako Foru Aldundia txapelketako liderren arteko partidaren irabazle eta ondorioz txapela bere eskuan du, puntu osoa kentzen baitio bigarren sailkatu Yana Melnikovari.

Azken txandako partidak 16:00tan hasiko dira (14:00 GMT). 8. txandako partidak gure webgunean ikusi eta deskargatu ditzakezu.

Ruslan Ponomariovek Hikaru Nakamurarengandik banatzen zuen aldea puntu erdira murriztea lortu du Maxime Vachier-Lagrave gainditu eta amerikarrak Julio Grandarekin berdindu ostean. Beste aldetik, Francisco Vallejok Anatoly Karpov munduko txapeldun ohia gainditu du eguneko partida luzeenean.

Kutxa txapelketan aldaketa egon da sailkapenaren buruan. Jordi Magemek Christian Bauer garaitu du eta Loek Van Welyk galdu egin du Hicham Hamdouchiren aurka, gainontzeko partidak berdinketak amaitu diren bitartean.

Euskal Xake Eskola txapelketan, Eric Priek Glenn Flear harrapatu du sailkapenean 5 puntu lortuta gaurkoan Mikel Huerga garaituta, ingelesak Alejandro Francorekin berdindu duen artean. Txapelketako FIDE Maisu biek, Santi Gonzalez eta Christian Michnak 4 puntu dituzte jada eta 5 puntu lortu behar dituzte Nazioarteko Maisuaren norma lortzeko.

Gipuzkoako Foru Aldundia Txapelketan, Sophie Milliet eta Yana Melnikovak darraite lidergoan 5.5 punturekin biak neurtuko dituen partidaren bezperan.

6. eta 7. txandetako partidak osorik deskargatzeko aukera daukazu gure webgunean.

Astelehenean jokatutako 6. txandaren ostean Nakamurak gero eta hurbilago du txapela Ruslan Ponomariovekin berdindu ostean, Svidler da sailkapenean Nakamura hurbilen duen bi jokalarietako bat. Besteak, Peter Svidlerrek ere berdindu egin du bere partida eta ondorioz sailkapenean ez dago aldaketarik. Anatoly Karpovek gaur ere galdu egin du Movsesianen aurka jokatutako partida eta sailkapenaren azken postuan dago.

Kutxa txapelketan Loek Van Welyk gaur ere berdindu egin du, gaurkoan Christian Bauerren aurka, baina bere jarraitzaile Jordi Magemek ere Ubilavaren aurka berdindu ostean sailkapena lehengo moduan dago eta holandarrak puntu erdiko aldea kentzen dio kataluniarrarik.

Euskal Xake Eskola Txapelketan, Marcos Llanezak Iñigo Martin garaitu du eta Santi Gonzalezek Alejandro Hoffman gainontzeko guztiek berdindu egin duten artean. Sailkapenaren lehenengo postuan Glenn Flear dago 4.5 punturekin eta bere atzetik Eric Prie 4rekin, biek hala biek berdindu egin dituzte Huerga eta Michnaren aurka jokatutako partidak.

Emakumezkoen Gipuzkoako Foru Aldundia txapelketan, lidergoan dauden jokalari biek, Sophie Milliet eta Yana Melnikovak irabazi egin dituzte euren partidak eta lidergoa sendotu dute 5 punturekin. Euren atzetik Sachdev Tania eta Regina Pokorna datoz 3.5 punturekin.

6. txandako partidak ikusi eta deskargatzeko jo partiden orrialdera

Txapelketako izarra da Nakamura zalantzarik gabe. 5. txandan Pablo San Segundo garaituta puntu bateko aldea ateratzen dio jada Nakamurak bigarren sailkatu Peter Svidlerri, honek gaur Anatoly Karpov gaindituta jada 3.5 puntu baititu. Svidlerrekin berdinduta, Ruslan Ponomariov dago, Kashindzanovekin berdindu ostean.

Kutxa txapelketan, Loek Van Welyk dirau lidergoan Elizbar Ubilavarekin berdindu eta gero. Hala ere, sailkapenean puntu erdira Jordi Magem kataluniarra dago 4 punturekin, Iñigo Argandoñari partida irabazi ostean.

Euskal Xake Eskola txapelketan, Glenn Flearrek berriz ere irabazi egin du, gaurkoan Christian Michna alemaniarrari eta 4 puntu ditu sailkapenean. Bigarren Eric Prie dator 3.5 punturekin, 5. txandan Marcos Llaneza garaituta. Iñigo Martin donostiarrak bere lehenengo puntu erdia lortu du Alejandro Hoffmanekin berdindu ostean. Santi González bilbotarrak berdindu egin du Luis Galegorekin eta Alejandro Franco eta Mikel Huergaren artekoa berdinketan bukatu da.

Emakumezkoen Gipuzkoako Foru Aldundia txapelketan, Sophie Milliet eta Yana Melnikova daude lidergoan 4 punturekin, lehenak Sachdev Tania garaitu eta bigarrenak Marta Michnarekin berdindu ostean.

5. txandako partidak gure webgunean prestatutako partiden atalean dituzue.

Emaitza eta sailkapenak

Hikaru Nakamura da nagusi Donostia Europako Kultur Hiriburua txapelketan larunbatean jokatutako 4. txandan Francisco Vallejo mallorcarra garaitu ostean. Peter Svidler izan da partida amaitzen lehena, 29 jokaldiren buruan Maxime Vachier-Lagrave gainditu baitu Marshall eraso batekin. Ruslan Ponomariov munduko txapeldun ohiak ere irabazi egin du, gaurkoan Sergei Movsesianen aurka, eta sailkapenean bigarren postuan dago amerikarraren atzetik 3 punturekin.

Kutxa txapelketan, Loek Van Wellyk bere 4. garaipena lortu du, gaurkoan Iñigo Argandoña Nazioarteko Maisuaren aurka 36 jokalditan. Hicham Hamdouchi eta Christian Bauer garaile izan dira Roberto Cifuentes eta Elizbar Ubilavaren aurka, hurrenez hurren, gainontzeko jokalariek partidak azkar berdindu dituztelarik.

Euskal Xake Eskola txapelketan Christian Michna da sorpresa nagusia, gaur Mikel Huerga Nazioarteko Maisu nafarra gainditu ostean. Orain arteko liderra izan den Glenn Flearrek Marcos Llanezarekin partida luze bat berdindu du eta sailkapenean bigarren dago Michna alemaniarraren atzetik. Santi González bilbotarrak bere bigarren garaipena lortu du Alejandro Francoren aurka.

Emakumeen Gipuzkoako Foru Aldundia txapelketanYana Melnikovak Regina Pokorna garaitu du eta lider da 3.5 punturekin, bere atzetik Sophie Milliet eta Irina Zakurdjaeva daude 3 punturekin, elkarren arteko partida Millietek irabazi ostean.

Gaurkoan jende asko hurbildu da Donostiako Udaletxeko Batzar Areto nagusira txapelketak jokatzen dauden 40 jokalarien partidak ikustera. Gainera sarreran Leontxo Garcia kazetariak partidak komentatzeko saioa egin du pantaila handi bat erabailiz hainbat lagun bertaratu direlarik.

4. txandako partidak partiden orrian ikusi eta deskargatu ditzakezue.

Maxime Vachier-Lagrave frantziar gazteak Anatoly Karpov munduko txapeldun ohia garaitu du Donostiako Udaletxean jokatu den 3. txandan. Gaurkoan ere Karpoven partida izan da jokalari gehien bildu duena eta Karpov bera ere gustura egon da, phorren erakusgarri partida bukatzean bere aurkariarekin partida aztertzen egon dela. Hikaru Nakamura liderrak Svidlerrekin berdindu du baina horrek ez dio lidergoa kendu, bere da sailkapenaren buru 2.5 punturekin.

Kutxa txapelketan Loek Van Wely da nagusi gaur ere irabazi egin baitu, oraingoan Arnaud Hauchardi. Gauza bera egin du Jordi Magem kataluniarrak Antonio Fernandesekin. Van Wely, beraz, lider da jokatutako partida guztiak irabazita eta Magem bigarren 2.5 punturekin. Iñigo Argandoña donostiarrak berdindu egin du Christian Bauerren aurkako bere partida eta ez zailtasun gabe.

Euskal Xake Eskolan taldekideen derbia izan dugu, Santi Gonzalez eta Iñigo Martinek elkarren aurka jokatu baitute 3. txandako partida. Bertan González bilbotarra izan da nagusi. Huerga iruindarrak puntu erdia eskuratu du Marcos Llanezarekin berdindu ostean.

Gipuzkoako Foru Aldundiak babesten duen emakumezkoen txapelketan, Zakurdjaevak bere hirugarren partida irabazi du gaurkoan eta lider da, bigarren Melnikova dago 2.5 punturekin Rozicen aurka berdindu ostean

Ostirala atseden eguna izango da jokalarientzat eta larunbatean jokatuko dute berriz ere. Osteguneko partidak zuzeneko-partiden orrialdean ikus ditzakezue. Ostiral arratsaldean jarriko ditugu deskargatzeko.

Hikaru Nakamura estatubatuarrak irabazi egin du berriz ere Donostia Europar Kultur Hiriburua txapelketan, asteazken arratsaldez Donostiako Udaletxean jokatutako partidan eta jada txapelketaren lidergoan dago 2 punturekin. Xake-zaletu asko izan da Nakamura eta Vachier-Lagrave frantsesaren arteko partida ikusten eta baita, nola ez, Ruslan Ponomariov eta Anatloy Karpov munduko txapeldun ohien artekoa ikusten ere, azken hau berdinketarekin bukatu delarik.

Kutxa txapelketan ere azken ordura arte ez da ezer erabaki, hala nola Loek Van Wely holandarrak Antonio Fernandesi beltzekin irabazi dion partida. Txapelketa honetan Iñigo Argandoña Nazioarteko Maisu donostiarrak bere lehenengo puntu-erdia lortu du Elizbar Ubilavarekin berdindu ostean, partida bukatu ondoren Iñigok aitortu gisa “hobeto nengoen baina ez dut ikusi garaipenerako bidea”.

Euskal Xake Eskola txapelketan, euskaldun guztiek galdu egin dute, Iñigo Martinek Alejandro Francoren aurka, Santi Gonzálezek Eric Prieren aurka eta Mikel Huergak Alejandro Hoffmanen aurka

Emakumeen Gipuzkoako Foru Aldundia txapelketan, Yana Melnikova eta Irina Zakurdjaeva dira lider bi punturekin.

Partidak, webgunean prestatu dugun orrialde baten ikusi eta deskargatu ditzakezu.

Emaitzak

Donostiako Udaletxeko Batzar Areto Nagusian, Donostia Chess Festival jaialdiko lehenengo txandako partidak jokatu dira astearte arratsaldez. Partida on eta interesgarriak ikusi ditugu bertan.

“Donostia Europako Kultur Hiriburua 2016″ Txapelketa nagusian, besteak-beste, Anatoly Karpov munduko txapeldun ohia eta Hikaru Nakamura, Ameriketako Estatu Batuetako txapeldunaren partida izan da zalantzarik gabe interesgarriena, eta baita eguneko bukatzen-azkena ere.

Partida luze baten ondoren, Karpovek denbora arazoekin aurkitu du bere burua, gogoratu jokalari bakoitzak 90 minutu dituela partidako eta 30 segundu gehiago jokaldi bakoitzeko eta azkenean gaztelua alfil eta zaldunaren aurkako final batera iritsi da (biek peoiak zituztelarik) eta denbora agortu egin zaio. Eguneko beste partida interesgarrietako bat, Maxime Vachier-Lagrave frantziar gazteak Rustam Kashindzanov munduko txapeldun izandakoari irabazi diona izan da.

Donostiako Udaletxera euskaldunen partidak ikustera joan diren ikusleek ezin izan dute gure jokalarien garaipenik ospatu, Argandoña, González de la Torre eta Martinek euren partidak galdu eta Huergak berdindu egin baitituzte.

Jarraian “Donostia Europako Kultur Hiriburua 2016″ eta “Kutxa” Txapelketetako partidak ikus ditzakezue, arazo tekniko batzuengatik beste bi txapelketetako partidak ezin izan baititugu nahi bezain ondo zuzenean eman eta ondorioz ordenagailuan gorde. Asteazkenean argitaratuko ditugu guztiak. Deskargatu ere webgunetik desklargatu ditzakezu partidak.